Derek Ramsay, pumalag sa pagsisi sa kanya sa mga nakaraang hiwalayan

Patuloy pa rin gumagawa ng ingay online ang kissing photo nina Derek Ramsay at girlfriend niyang si Andrea Torres sa Instagram.

WATCH: Derek Ramsay and Andrea Torres confirm relationship

Matapos ipagtanggol si Andrea sa third party issue, muling sumagot ang Kapuso leading man sa isang obserbasyon ng netizen tungkol sa kanyang mga nakaraang relasyon.

Derek Ramsay, muling nilinis ang pangalan ni Andrea Torres sa third party issue

Tumugon si Derek sa sunud-sunod na posts ng Instagram user na si @lermzmd at sinabing hindi niya nagustuhan ang assumption na siya ang may kasalanan kung bakit nauwi sa hiwalayan ang mga nakaraan relasyon niya.

Paliwanag ng aktor, “Mam you talk like you know what happened in my relationships.

“I've been in only a few relationships that lasted many years.

“It's sad that ended but you seem to put it all the blame on me. Learn to give respect and never assume.”

Binigyan-diin din ng Kapuso actor, “How can you say you are defending women? You don't even know what happened in my relationships.

“It is always the man to blame? Can't it be otherwise or nobody at all?

Derek Ramsay, sinagot ang isyu tungkol sa dating pagpapakasal niya