Tom Rodriguez, na-realize na si Carla Abellana na ang 'The One'

Dahil sa community quarantine na umiiral, mas tumibay pa ang relasyon nina Tom Rodriguez at Love of My Life Carla Abellana.

Ayon kay Tom, napatunayan niyang si Carla na ang 'the one' dahil sa lockdown.

“Siya, hindi naggi-give up, hindi nagpa-falter and willing to really work it out and support me,” saad ni Tom.

“Mas nagiging klaro sa akin na siya na pala talaga.”

Trending din kamakailan ang vlog ni Carla kung saan gumawa sila ng leche flan ni Tom.

Kuwento ni Tom, specialty ni Carla ang leche flan mula pa noong high school siya. Sa katunayan, binebenta pa ito ni Carla noon.

“Nagugulat na lang sila na 'pag may llanera ng leche flan, kahit naka-diet ako, 'yun 'yung isang pagkain na hindi ko natatanggihan,” pag-amin ni Tom.

“And when Carla found out, she told me her story na that was her specialty when she was in high school but she hasn't done it in forever.

“Parang matagal niyang hindi nagagawa. Dati binebenta niya pa nung nasa high school daw siya.

“So finally, sabi ko, 'Sige nga, can you make one for me.'”

Panoorin ang buong report sa 24 Oras:

Muling napapanood ang groundbreaking series na My Husband's Lover nag pinagbidahan nina Carla at Tom kasama si Dennis Trillo sa GMA Telebabad pagkatapos ng Meant to Be.