Marian Rivera, pinadalhan si Dingdong Dantes ng menudo habang naka-self quarantine

Natapos na ang 12-day lock-in taping ng Descendants of the Sun (The Philippine Adaptation) sa Tanay, Rizal pero hindi pa pwedeng umuwi si Kapuso Primetime King Dingdong Dantes dahil kailangan pa nitong mag-self quarantine upang makasiguradong wala siyang nakuhang sakit.

Kasalukuyang nasa isang bed and breakfast sa Tanay si Dingdong kaya naman pinadalhan siya ni Kapuso Primetime Queen Marian Rivera ng menudo.

“Salamat mahal ko! I've been craving for this!” sulat ni Dingdong kalakip ang larawan ng kanyang pagkain.

Ibinahagi rin ni Marian ang Instagram story ni Dingdong at sinabing, “See you soon, Mahal!”

Source: marianrivera (IG)

Abangan ang nalalapit na pagbabalik ng Descendants of the Sun (The Philippine Adaptation) sa GMA Telebabad!