Around GMA

Article Inside Page

Lumipad na pa-Amerika ang Kapuso stars na sina Ruru Madrid at Sofia Pablo para dumalo sa gaganaping Manila International Film Fest (MIFF) 2025 sa Los Angeles, California.

Kabilang sa mga kalahok na pelikula ang pinagbidahan nilang 2024 Metro Manila Film Festival (MMFF) Best Pictures na Green Bones.

Kaya sa airport pa lang, excited na sina Ruru at Sofia na ipresenta ang inspirational-drama film sa movie fest.

"Kasi syempre, minsan naman makapunta ng U.S. since ang layo. Lalo na ngayon it's for Green Bones, so very honored and excited," masayang sinabi ni Sofia sa panayam ng GMA Integrated News.

Kitang-kita rin online ang sabik ni Ruru na makapunta sa bansa. Kinuha pa niya ang mismong pag-landing ng kanilang eroplano na may kasamang caption na "Touchdown L.A."

Hindi rin nagpahuli si Sofia at nag-post pa ng short reel sa kanyang Instagram. Isinulat niya dito, "This that pretty-girl mantra, this that flaunt you just touched down in L.A."

Photo by: rurumadrid8 IG

View this post on Instagram

A post shared by Sofia Pablo (@sofiapablo)

Gaganapin ang 2025 MIFF sa Los Angeles, California kung saan ipapalabas ang iba't ibang pelikula na gawa ng mga Filipino. Kasama rin sa roster ang iba pang 2024 MMFF entries: And The Breadwinner Is..., Isang Himala, The Kingdom, Strange Frequencies: Taiwan Killer Hospital, My Future You, Uninvited, Topakk, Espantaho, and Hold Me Close.

Ipapalabas din sa MIFF ang high engrossing-film na Hello, Love, Again at ang bagong rom-com film nina Dennis Trillo, Jennylyn Mercado, at Sam Milby na Everything About My Wife.

Maliban sa movie fest, makakasama rin nina Ruru Madrid at Sofia Pablo ang Kapuso Primetime King na si Dingdong Dantes sa meet and greet ng Konsyerto Para sa Filipino. Gaganapin ito sa Cerritos Center for the Performing Arts, USA, sa March 8.

Samantala, balikan ang thanksgiving dinner ng Green Bones sa gallery na ito: