
Hindi pa man opisyal na ina-anunsyo ni Direk Mark Reyes ang magiging cast ng much-awaited live-action series ng Voltes V: Legacy, business as usual pa rin ang director sa pag-produce nito habang naka-enhanced community quarantine.
Sa kanyang Instagram, ipinakita ni Direk Mark ang bumubuo ng production team ng Voltes V: Legacy na kinabibilangan nina GMA Senior Program Manager Helen Rose Sese, Executive Producer Darling Pulido-Torres, screenwriter Suzette Severo Doctolero, Lead Visual Designer Noel Flores, costume designer Bill Gustilo, Jay Santiago, at Ralfh Manuel Malabunga.
Aniya sa post, “Some sense of normalcy. Team V5 volted in today.”
Kitang-kita ang buong pre-production team na ginagaya ang iconic “Volt in” movements ng beloved anime.
Kahit na hindi pa nagsisimula ang taping, makikita sa comments section ang excitement ng fans.
Anang isang netizen, natutuwa siya na patuloy pa rin ang pre-production work kahit na nasa lockdown ang team.
Netizens' comments on Direk Mark's post. Credits to direkmark (IG)
Sambit naman ng isang netizen, “Direk, announce niyo na po 'yung cast then mag-volt in sila via Zoom.”
Netizens' comments on Direk Mark's post. Credits to @direkmark (IG)
Mga Kapuso, abangan ang latest updates ng Voltes V: Legacy dito lamang sa GMA!
Netizens compare scenes from 'Voltes V Legacy' teaser and original anime
LOOK: Fans share their would-be cast for the upcoming 'Voltes V: Legacy' live adaptation