Around GMA

Article Inside Page

Matapos na mapanood si Ashley Ortega sa suspenserye ng GMA na Widows' Web, aminado si Xian Lim na na-excite siya nang malamang makakatrabaho niya ang aktres sa susunod niyang serye, ang Hearts On Ice.

Kuwento ng aktor sa GMANetwork.com, "Of course, nalaman ko si Ashley muna 'yung makakasama ko rito. Actually, na-excite ako kasi I've saw her doon sa palabas niya na 'Widows' Web,' which came before 'False Positive' noong nag-airing pa kami. I was really curious on how the tandem's gonna be, how the chemistry's gonna be."

Dumagdag din sa excitement ng aktor nang malamang isang figure skating series ang bagong seryeng gagawin niya sa GMA.

"Tapos nalaman ko pa it has a theme na figure skating so there are so many new elements in this show that really got me excited. And then I'd found out na makakasama ko ulit si Tonton Gutierrez, which I've worked with in the previous show 'False Positive,' sabi ng aktor.

Dagdag ni Xian, "A lot of first din sina Ms. Rita Avila, Ms. Amy Austria, Lito Pimentel, so it's really a fun cast and masaya lang kami sobra sa set. So I was really excited to find out na sila 'yung makakasama ko."

Kapwa pinagbibidahan nina Ashley Ortega at Xian Lim ang kauna-unahang figure skating series ng bansa, ang Hearts On Ice, kung saan gumaganap sila bilang Ponggay at Enzo.

Patuloy na subaybayan sina Ashley at Xian sa Hearts On Ice, Lunes hanggang Biyernes, 8:50 p.m. sa GMA Telebabad.

Mapapanood din ang Hearts On Ice sa Pinoy Hits, I Heart Movies, GTV (11:30 p.m.), at naka-livestream din ito sa GMANetwork.com.

KILALANIN ANG CAST NG HEARTS ON ICE SA GALLERY NA ITO: