Around GMA

Article Inside Page

Bukod sa pagiging aktor, businessman, at endorser, isa na ring ganap na direktor ang Kapuso leading man na si Xian Lim.

Sa March 2 episode ng Fast Talk with Boy Abunda, ikinuwento ni Xian sa TV host na si Boy Abunda kung paano siya nagsimulang magkainteres sa pagpepelikula.

Ayon kay Xian, nagsimula ito nang maging bahagi siya ng isang Cinemalaya film noong 2019 kasama ang batikang film director na si Gil Portes.

Kuwento niya, “It started in 2019 when I got to work with Direk Gil Portes. He cast me for Two Funerals - 'yung title ng Cinemalaya project niya.”

Habang ginagawa ang pelikula, namangha umano si Xian kung paano tumatakbo ang produksyon sa likod ng camera.

Aniya, “Then I keep on asking him, 'How does it work?' It's such a magic kasi…seeing the movie it's so magical. 'How does it work behind the camera?'”

Dahil sa kaniyang pagiging interesado, tinuruan siya ni Direk Gil ng ilang basic camera angles, art direction, at iba pang filming techniques.

Mula noon, sinimulan na itong aralin ni Xian. Sa katunayan, sumali pa siya sa scriptwriting workshop series ng tanyag na Filipino screenwriter na si Ricky Lee.

“So I started to pursue it. Matanong na ako sa set. I started taking Ricky Lee's scriptwriting. I was part of the batch 17 ni Ricky Lee script writers,” ani Xian.

Matapos ito, nagsimula na ring magpasa ng film entries si Xian sa iba't ibang film festivals.

“Then I started turning in entries sa iba't ibang festivals and eventually natanggap ako sa Cinemalaya nung 2019 for full length,” masayang sinabi ni Xian.

Samantala, abangan ang pagbabalik primetime ni Xian sa upcoming sports drama na Hearts On Ice, ngayong March 13 na sa GMA Telebabad.

Para naman sa iba pang maiinit na showbiz balita, tumutok sa Fast Talk with Boy Abunda, Lunes hanggang Biyernes, 4:45 p.m. sa loob ng 20 minuto sa GMA Afternoon Prime via television broadcast sa GMA at sa iba pang digital platforms.

SILIPIN ANG POGI PHOTOS NI XIAN LIM SA GALLERY NA ITO: