Bukod sa patuloy na pinag-uusapan ng mga manonood ang GMA inspirational-medical drama series na 'Abot-Kamay Na Pangarap,' humahakot din ng million views ang videos ng serye sa Facebook.
Hindi maikakailang maraming tagos sa pusong mga eksena ang talaga namang tumatak sa mga manonood ng programang ito, na pinagbibidahan ng Kapuso actresses na sina Jillian Ward at Carmina Villarroel.
Narito ang listahan ng ilang mga eksena sa 'Abot-Kamay Na Pangarap' na viral ngayon sa social media.
Humakot ng mahigit 3 million views sa Facebook ang video ng batang Analyn (Heart Ramos) habang sinasagip ang buhay ng isang babaeng inatake sa puso.
Napanood sa eksenang ito ang pagkabigo ni Dra. Zoey (Kazel Kinouchi) sa plano niyang paninira kay Dra. Analyn (Jillian Ward) sa kanilang chief resident na si Dra. Katie (Che Cosio). Ito ay mayroong mahigit na 7.5 million views sa Facebook ang video ng serye tungkol dito.
Isang araw ay nasuspinde si Dra. Zoey (Kazel Kinouchi) dahil sa pambu-bully niya kay Dra. Analyn (Jillian Ward). Ang video tungkol sa pagbabalik niya sa APEX Medical Hospital ay humakot ng 2.9 million views.
Nakakuha ng mahigit 3 million views ang eksena kung saan nalaman na ni Doc RJ (Richard Yap) na tunay niyang anak si Dra. Analyn (Jillian Ward).
Mayroon nang 4.5 million views ang eksena kung saan emosyonal na nagpaalam sina Dra. Enriquez (Che Cosio) at Dra. Analyn (Jillian Ward) sa isa't isa.
Ang eksena tungkol sa naging kasunduan nina Lyneth (Carmina Villarroel) at Doc RJ (Richard Yap) ay mayroon na ngayong 3.8 million views. Dito ay makikitang masaya si Dra. Analyn dahil pinayagan na siya ni Lyneth na manatili sa APEX Medical Hospital.
Nang mamatay ang pasyenteng malapit kay Dra. Analyn (Jillian Ward), to the rescue si Doc RJ (Richard Yap) upang i-comfort ang kaniyang anak. Ang eksenang ito ay mayroon nang 2.3 million views.
Humakot ng 4.6 million views sa Facebook ang eksena kung saan napanood na nadala sa barangay hall si Dra. Zoey nang sugurin niya si Dra. Analyn at nanggulo siya sa lugar ng batang doktor.
Mayroon nang 3 million views ang eksena tungkol sa pagsagip ni Doc RJ (Richard Yap) sa buhay ni Lyneth (Carmina Villarroel) nang malunod ito sa isang swimming pool.
Humakot din ng milyun-milyong views ang video tungkol sa APEX medical mission. Sa ngayon ay mayroon na nang mahigit 7.6 million views ang eksenang ito na mapapanood sa official Facebook page ng GMA Network.
Ang nasa larawan ay tungkol sa pagsalo ni Dra. Analyn sa pag-oopera sa isang sugatang lalaki. Dahil hindi kinaya ni Dra. Zoey ang pinapagawa sa kaniya ng kidnappers, nagdesisyon ang batang doktor na siya na lamang ang mag-oopera sa lalaki kapalit ng kanilang kaligtasan. Sa ngayon, mayroon itong mahigit na 5.6 million views sa Facebook.
Labis na natuwa ang 'Abot-Kamay Na Pangarap' viewers nang magyakap sa unang pagkakataon sina Dra. Analyn at Dra. Zoey. Ang eksenang ito ay kuha noong ma-kidnap ang APEX doctors habang sila ay nasa medical mission. Sa kasalukuyan, mayroon na itong 5.1 million views sa Facebook.
Nakisaya sa Noche Buena ang 'Abot-Kamay Na Pangarap' viewers sa APEX team. Ang eksenang ito ay humakot ng 3.1 million views sa Facebook.
Nang pagbintangan ni Moira na nagnakaw si Analyn sa ospital, agad siyang sinugod ng nanay nitong si Lyneth. Mayroon nang 3.1 million views ang naturang eksena.
Nang malaman ni Moira (Pinky Amador) na ang dating kabit ng asawa ni Dra. Katie (Che Cosio) ay pasyente sa APEX, agad niyang sinugod ito. Ang eksena tungkol sa pang-aaway ni Moira (Pinky Amador) kay Bea (Arny Ross) ay mayroon nang 2.8 million views sa Facebook.