Pinoy sa Wuhan, ibinahagi na halos back to normal na sa kanilang lugar

Si Jan Robert Go ay isang Pinoy PhD student na piniling manatili sa Wuhan, China nang magkaroon ng lockdown ang epicenter ng COVID-19.

Si Jan ay nag-aaral sa Central China Normal University sa Wuhan.

Sa Amazing Earth ay nakausap ni Dingdong Dantes si Jan para alamin ang kanyang pinagdaanan nang kumalat ang virus sa Wuhan.

Kuwento ni Jan, mas mabuti na ang lagay ng Wuhan kumpara noong unang kumalat ang COVID-19.

"Ngayon medyo better na compared to I guess two or three months ago. Nandito ako para mag-aral. I'm doing my doctoral studies here in Wuhan. I started in 2018.

Ibinahagi rin nito kung ano ang matatagpuan sa Wuhan bago pa man ito naging epicenter ng COVID-19.

"Wuhan kasi is like a highly urbanized city. There are malls around. 'Yung buhay dito is very vibrant, rich in terms of historical sites. Maraming turista ang pumupunta dito. Ito yung bumubuhay sa Wuhan, industry, universities and then 'yung tourism niya."

Kuwento ng Pinoy student, alam niyang matindi na ang sakit na kumakalat nang i-announce ang lockdown sa kanilang lugar.

"Well basically the announcement of the lockdown itself was that signal na this is something big."

Dagdag pa niya, hindi basta basta makakaalis ng Wuhan dahil kaunti lang ang oras para gawin ito.

"There was very little time if you really want to go out of Wuhan. I think it was January 22 around 10 p.m. when they announced that there will be a lockdown effective 23 at 8 a.m."

Ayon kay Jan, hindi siya nag-panic pero hindi niya inakala na tatagal ang lockdown sa kanilang lugar.

"Hindi naman ako nag-panic. I thought this is just fine. But my idea of the lockdown is that it will not stretch for a long time."

Nakaramdam ng pangamba si Jan nang malaman niya na ang kanyang university na tinutuluyan ay magsasara na rin.

"Ang problema namin is when the university decided to close... You cannot go out of the building and I learned it on the day that the building was already closed. I think that was more shocking than the actual lockdown of Wuhan because hindi na ako makakalabas. From February onwards nandito na lang ako sa loob ng building."

Kuwento pa ni Jan kay Dingdong, minsan ay naiisip niya kung nahawa na rin ba siya ng COVID-19.

"It's wintertime so malamig. 'Pag inuubo ako o kaya bumabahin, iniisip ko do I have it? Then, I observe myself. Actually when I asked my friends they also felt the same na parang if they start coughing or they start sneezing they become paranoid na may COVID na ba ako?"

Para sa mental health niya at makatulong na rin sa ibang tao, nag-volunteer si Jan.

"I volunteered so basically may interaction aside from yung interaction sa online. I think that is also necessary to keep my mental health. If they cook meals, they share it. If you have something, you share it to them. So parang mas nabuo yung community dahil doon sa pag-volunteer."

Ayon pa kay Jan, ngayon ay halos back to normal na ang Wuhan.

"Malls are open, public transport, subway and buses they have resumed. Basically, life here has gone back to almost normal."

Para rin mapanatag umano ang loob ng mga residente, lahat sila ay dumaan sa COVID-19 test.

"Here what they did is they try to eliminate doubts e. Everyone was tested, including me, I was tested to ensure that everyone in Wuhan will be COVID free."

Sa kanyang pinagdaanan may aral na natutunan ni Jan, at ito ay ang importansya ng mental health at interaction sa ibang tao.

"Staying in this building, this room, for 65 days without interaction, personal interaction from the outside world not knowing what will happen next; it's very hard. Buti nga hindi ako nabaliw e."

"You have your family, you just keep close contact with them. You have your friends. If you think you can no longer handle it, have someone to talk to. I think that's something helpful and it helped me a lot."

Panoorin ang kuwento ni Jan sa Amazing Earth video.

'Amazing Earth' takes viewers on extraordinary adventures with fresh episodes

Dingdong Dantes's delivery app riders take first aid training