'Apoy sa Langit,' panalo sa ratings

Patuloy na sinusubaybayan ng mga manonood ang maiinit na tagpo sa Apoy sa Langit.

Photo source: Apoy sa Langit

Ang Apoy sa Langit ay pinagbibidahan nina Maricel Laxa, Zoren Legaspi, Mikee Quintos, at Lianne Valentin. Napapanood sila bilang sina Gemma, Cesar, Ning, at Stella sa GMA Afternoon Prime.

Noong May 23, umani ng 5.2% rating ang episode ng Apoy sa Langit ayon sa NUTAM People Ratings.

Sa episode na ito, napanood ang mainit na eksena nina Cesar at Stella sa loob ng kotse. Ipinakita rin nitong May 23 ang paghahanda ni Cesar ng date para kay Gemma, habang si Ning naman ay makikitang bad mood si Stella dahil sa kanyang "boyfriend."

Patuloy na sundan ang mga maiinit na eksena ng Apoy sa Langit, Lunes hanggang Sabado pagkatapos ng Eat Bulaga.

Kung hindi mo man ito mapanood on TV, maaaring i-stream ang full episodes ng serye at ng iba pang programa ng GMA sa GMANetwork.com o GMA Network app.