Kris Bernal, inamin na na-intimidate kay Rhian Ramos sa unang taping ng 'Artikulo 247'

Matagumpay ang naging world premiere ng pinakabagong GMA Afternoon Prime series na Artikulo 247 na pinagbibidahan nina Rhian Ramos, Kris Bernal, Benjamin Alves, at Mark Herras.

Pero bago pa ang pilot episode ng nasabing series ngayong Lunes (March 7), may madamdaming online post na ang isa sa bida ng serye na si Kris tungkol sa nabuong pagkakaibigan nila ng kaniyang co-star na si Rhian.

Sa isang Instagram post, inamin ni Kris na intimidated siya noong una kay Rhian lalo na sa mga unang eksena nila sa pinagbibidahang series.

Kuwento niya, "I'm not sure I'll ever be able to express how grateful and fortunate I am to have had the opportunity to work with you, @whianwamos.

"During my first scenes with you, I must admit that you intimidated me. Kahit gaano ko ka-memorize ang mga linya ko, nakakalimutan ko at nawawala ako. Ganun kalala!."

Pagpapatuloy naman ni Kris, lahat daw ng ilangan ay nawala habang tumatagal ang kanilang pagsasama sa lock-in taping at nang mas makilala pa ang isa't isa.

Aniya, "However, as we shared more scenes together, you made me feel like I belonged, that you could be a friend, and generously gave me control over our scenes."

Nagpasalamat pa si Kris kay Rhian sa pagiging totoo at mapagbigay nito habang sila ay nasa taping bubble.

"Thank you so much for sharing your heart with me. Everyone should see how talented you are as an actress. And, thank you for being so generous, loving, caring, silly, and strong not only to me but to the entire #Artikulo247 team," ani Kris.

Dagdag pa niya, "It's been difficult for me to find someone at work with whom I can truly be myself, but I'm delighted I was able to be myself with you. I love to see things go well for you and will always be one of your cheerleaders!."

Sang-ayon naman kay Kris ang kapwa Kapuso actress na si Carla Abellana na nakasama rin ni Rhian noon sa seryeng Love of My Life.

"Ganyan yan si Rhi pagdating sa work. Never selfish," komento ni Carla sa Instagram post ni Kris.

Source: krisbernal (Instagram)

Sa pilot episode ng nasabing serye, ipinakilala na ang mga karakter nina Rhian bilang si Jane Ortega na isang aspiring accountant at si Kris bilang si Klaire Almazan na trophy wife ng CEO ng G&M accounting firm na si Alfred Gomez na ginagampanan naman ni Jome Silayan.

Subaybayan ang Artikulo 247, araw-araw pagkatapos ng Little Princess, 4:15 ng hapon sa GMA Afternoon Prime.

Samantala, tingnan ang ilang behind-the-scenes photos mula sa lock-in taping ng Artikulo 247 dito: