Michael V., may pasilip sa bagong parody song sa 'Bubble Gang'
Around GMA
Around GMA
Legendary fashion designer Valentino Garavani passes away Lalaki patay sang gintiro sang gwardiya nga iya ginbuno sa Barotac Nuevo | One Western Visayas Philippine flag carrier celebrates 85th anniversary with new aircraftArticle Inside Page
Showbiz News
May aabangan na naman tayo sa beshy ko!
Matapos ang successful airing ng Sunday night episode ng Bubble Gang nitong July 9, may hinahanda na agad na sorpresa ang award-winning comedian at content creator na si Michael V. para sa kanilang loyal fans.
Sa kanyang Instagram account, may intriguing post na ito sa gagawin niyang parody song sa flagship gag show ng GMA-7.
Sabi niya sa caption, “Oh Wow”… (Hilaw) Soon… #BBLGang.”
Kahit ang mga Kapuso stars na sina Arthur Solinap at Abot-Kamay na Pangarap actress Denise Barbacena ay napakomento sa post ng ace comedian.
Looking forward din ang netizens at fans ni Bitoy sa pasabog niyang parody song. Matatandaang umani ng papuri at million views ang parody song niya na "Gusto Ko Nang Bumigay" na napanood sa gag show noong November 2022.
Samantala, hindi kayo mabibitin sa second Sunday night episode ng Bubble Gang dahil siksik na naman sa comedy at good vibes ang hatid ng ating mga Kababol!
Tutukan ang pagganap ni Sparkle actor EA Guzman bilang superhero sa sketch na "Super Mamshie" at matawa sa sketch na gagawin naman nina Michael V. at Chariz Solomon tungkol sa isang ventriloquist.
Gawing best day ever ang panonood tuwing Sunday sa pagtutok sa Bubble Gang sa oras na 6:00 p.m., bago ang Happy ToGetHer.
