Kevin Santos, tuloy ang taping matapos magnegatibo sa COVID-19
Doble ang ginagawang pag-iingat ng mga production team ng bawat show upang mapanatiling COVID-free ang lahat ng mga artista at kani-kanilang staff.
Kahit sa taping ng high-rating sitcom na Daddy's Gurl, isa sa mga protocol na pinapatupad ang swab testing ng lahat na kasama sa produksyon.
Sa Instagram video na ibinahagi ng Kapuso comedian na si Kevin Santos, ipinasilip niya ang ginawang COVID testing sa kanila.
Sinabi ni Kevin na masakit at may discomfort ang buong proseso, pero sa kabutihang palad ay negatibo siya sa coronavirus.
Napa-comment din sa video ni Kevin Santos ang Kapuso leading man na si Ruru Madrid.
Gumaganap si Kevin bilang Daboy na officemate ni Stacy (Maine Mendoza). Samantala, may recurring role naman si Ruru sa Daddy's Gurl bilang si Sir Anton na masugid na manliligaw ng anak ni Barak (Vic Sotto).
EXCLUSIVE: Kevin Santos, nagulat nang may show siya kahit una siyang natanggal sa 'StarStruck'
Kevin Santos, sinabing sulit ang halos isang araw na pagpila noon sa 'StarStruck'