Benjamin Alves at Sanya Lopez, ang bagong tambalan na dapat abangan sa upcoming Kapuso afternoon drama

Magtatambal for the first time ang Kapuso actors na sina Benjamin Alves at Sanya Lopez sa upcoming drama series na Dahil Sa Pag-Ibig na nakatakdang mapanood sa GMA Afternoon Prime.

Naghahanda na ang dalawa para sa isang napapanahong teleserye na sasalamin sa buhay ng mga overseas Filipino worker (OFW) at ng mga pamilyang naiiwan nila sa Pilipinas.

Gaganap si Ben bilang OFW na si Eldon na mapapahamak sa kaniyang trabaho abroad. Si Sanya naman ang gaganap bilang kaniyang butihing asawa na si Mariel na gagawin ang lahat, masagip lang si Eldon sa sitwasyong kinalalagyan nito.

Bukod kina Sanya at Ben, tampok din sa serye sina Pancho Magno, Winwyn Marquez.

Abangan ang pinakabagong seryeng magpapainit sa inyong mga hapon, ang Dahil Sa Pag-Ibig, malapit na sa GMA Afternoon Prime!