EXCLUSIVE: Kiray Celis, sulit ang pagganap bilang Fairy Gosh Monkey sa 'Daig Kayo Ng Lola Ko'

Nasuklian ang lahat ng hirap at pagod ng team ng Daig Kayo Ng Lola Ko, dahil sa sunod-sunod na linggo na mataas ang kanilang ratings.

Certified winner ang huling kuwento ni Lola Goreng na Amazing adventure of Super Ging and Harvey kung saan bida sina Bianca Umali at Miguel Tanfelix.

EXCLUSIVE: Bianca Umali, walang arte kahit matamaan sa fight scenes sa 'Daig Kayo Ng Lola Ko'

Sa exclusive interview ni Kiray Celissa para sa GMANetwork.com ngayong araw, February 26, sinabi nito na natuwa siya dahil na-extend ang kuwento nila sa weekly-magical anthology.

“Nagulat ako kasi extend kami ng extend na ngayon lang ako nakapunta sa isang show na pwede pala i-extend ng i-extend.”

Hindi din daw siya nahirapan masyado sa costume at makeup niya bilang si Fairy Gosh Monkey, dahil masaya sa set at masarap katrabaho si Bianca Umali.

Ani Kiray, “Very happy kasi ang bilis ko lang nagsho-shoot doon. And I'm happy to be working with Bianx (Bianca Umali), she's very nice. Kasundo ko siya, happy 'yung set.”

Gusto din daw talaga nilang lahat na magtuloy-tuloy ang kuwento ni Super Ging, kaso magsisimula na mag-shoot si Bianca Umali para sa Kapuso series niya na Sahaya.

"Kung hindi lang may serye si Bianx tuloy pa rin talaga, kaso hindi na kaya ng sked niya.”