EXCLUSIVE: Janine Gutierrez, excited na makatrabaho si Tom Rodriguez sa 'Dragon Lady'

Magsasama sa upcoming GMA fantasy drama na Dragon Lady sina Janine Gutierrez at Tom Rodriguez, kung saan mapapanood ang aktres bilang isang dalaga na may kakaibang hitsura.

Ano kaya ang reaksiyon ni Janine nang malaman na si Tom ang makakapareha niya?

Aniya, “Si Tom naka-work ko na once sa Magpakailanman (The Wil Dasovich and Alodia Gosiengfiao story)."

Dagdag niya, “Everytime tinatanong ako sa mga interview, sinasabi ko talaga na isa sa mga pangarap kong makatrabaho ay si Tom. Sobrang sinubaybayan ko 'yung My Husband's Lover pati 'yung iba niyang projects so I'm super excited.”

Handang-handa na rin si Janine sa kaniyang pagbabalik GMA Afternoon Prime at sa pagganap sa isang kakaibang role bilang babae na ipinanganak na mukhang dragon.

“Exciting talaga siya kasi bukod sa pagiging isang dragon lady na talagang may misteryo at may kaakibat na fantasy 'yung anyo niya, lalabas din 'yung pagiging dragon lady niya sa pagiging matapang, sa pagiging palaban. So buong-buo 'yung pagiging dragon lady niya kaya excited ako sa challenges na kasama sa role na ito.”

Abangan ang Dragon Lady sa GMA Afternoon Prime!

Janine Gutierrez, excited nang mag-ibang anyo para sa 'Dragon Lady'