'Eat Bulaga' airs episode from 30 years ago!

Isang major throwback episode ang inere ng longest running noontime show na Eat Bulaga ngayong araw, March 28.

Dahil sa enhanced community quarantine, hindi nakakapagtanghal ng mga episodes ang Eat Bulaga at minarapat nitong magpalabas muna ng lumang episodes nito.

Isa na rito ang 10th anniversary special na ginanap sa Araneta Coliseum at orihinal na umere noong September 23, 1989.

Ikinatuwa naman ng netizens ang pag-ere ng episode from 30 years ago.

Ikinumpara pa nila ang batang si Bossing Vic Sotto sa guwapong si Captain Ri, ang karakter ni Hyun Bin sa hit K-drama na Crash Landing On You.

Ikinatuwa din nilang makita si Coney Reyes at napagtanto nilang buhay na si Vico, ang anak nila ni Bossing, nang orihinal na umere ang episode.

Guest din sa aniversary special si Sharon Cuneta.

Kaiblang din ang singer na si Keno, na sikat na sikat noong late 80s.

Naaliw din ang netizens na balikan ang ibang Eat Bulaga regulars tulad ni Rene Requiestas at batang Aiza Seguerra, na kilala na ngayon bilang Ice.

Dahil mula 1989, sa ABS-CBN unang umere ang episode. Taong 1995 nang lumipat ang Eat Bulaga sa GMA.

Nasa 40 taon na sa ere ang Eat Bulaga, across three television networks. May mga franchise na rin ito sa mga bansang Indonesia at Myanmar.