Newbie EB host Carren Eistrup, tinawanan ang pang-iintriga sa kanila ni Ryzza Mae Dizon
Around GMA
Around GMA
'Steel Ball Run: JoJo's Bizarre Adventure' to release first episode in March 2026 My Chemical Romance moves Asia show dates to November 2026fa GMA Kapuso Foundation, naghatid ng tulong sa 8,000 nasalanta ng Bagyong Tino sa Dinagat Islands | 24 OrasArticle Inside Page
Showbiz News
Newbie 'Eat Bulaga' Dabarkads Carren Eistrup: “I am wishing that magtagal ako sa Eat Bulaga.”
Nagulat at natawa ang bagong Eat Bulaga host na si Carren Eistrup nang pabiro siyang intrigahin tungkol sa kapwa Dabarkads niyang si Ryzza Mae Dizon.
Sa ginanap na press conference niya kamakailan, isang entertainment reporter ang nagtanong sa 14-year-old TV host, “Hindi ka ba inirap-irapan ni Ryzza Mae Dizon?”
Nagtatakang sinagot ni Carren, “Hindi naman po kasi sobrang friendly niya.”
Nang maramdamang binibiro lamang siya, natawa ang baguhang EB host. Pagkatapos ay sinabi niya, “Alam ko naman na mabait si Ryzza, e. Ayaw nga niyang tawagin ko siyang ate. But she's older than me, gusto ko rin po i-respect siyempre.”
Ayon kay Carren, unang naging malapit siya kay Ryzza Mae dahil, bukod sa magkalapit lang ang edad nila ng 17-year-old Eat Bulaga star, madalas sila rin ang magkatabi sa pagho-host ng programa.
Aniya, “Si Ate Ryzza, kasi siya yung palaging katabi ko sa gilid, e. So, kung saan siya pumunta, punta rin ako. Para kaming mag-partner sa Eat Bulaga, so kapag hosting parang kami yung magka-team. Kami palagi ang magkasama sa camera.”
Samantala, masayang-masaya si Carren sa pagkapanalo niya sa 'Bida Next' talent search ng Eat Bulaga.
“Sobrang happy po kasi this is like a very once-in-a-lifetime opportunity kaya tinake ko po talaga ito. Yung journey ko po sa Bida Next, I was very serious with what I want to do kasi ang goal ko po talaga is manalo. Good thing naman po that Papa God gave me this opportunity.”
Nang tanungin ng GMANetwork.com kung nakikita niya ang sarili na mananatili sa programa nang ilang taon, katulad ng mga host nito, agad na sagot ni Carren, “I am wishing that magtagal ako sa Eat bulaga. I want to stay there. But you know, it depends on the flow of life, the sun, and the earth. Pero yun po, I want to stay po talaga sa Eat Bulaga.”
SAMANTALA, KILALANIN PA SI CARREN EISTRUP SA GALLERY NA ITO:
