Around GMA

Article Inside Page

Inamin ng Pinoy Taekwondo legend at Black Rider actor na si Monsour Del Rosario na naging lapitin siya ng mga kababaihan noon.

Sa kauna-unahang pagkakataon, bumisita si Monsour sa Fast Talk with Boy Abunda kung saan napag-usapan ang kaniyang naging pagsisimula sa showbiz mula sa pagiging isang national athlete.

Pag-amin ni Monsour, sadyang malakas ang dating ng mga atleta dahil sa kanilang confidence.

Aniya, “There's an x-factor especially if you're a champion and if you're a star I mean if you are good-looking.”

Pero paglilinaw niya, “But even if you're not and if you have that confidence, the aura of being a champion and you have the track record of being good at something world-class, Asian level, world level, southeast Asian level, there's a confidence that without you trying to make it come out, it just shows because of the years of training and accomplishments.”

Dagdag pa niya, “As an actor, it is the same thing, if you succeed in the film industry, your movies make money, they become a box-office hit, and there's some kind of air that you know you are accepted and liked.”

Kasunod nito, tinanong ni Boy si Monsour, “Gaano ka kalapitin ng mga babae noon?”

“One to ten, siguro mga eight. Kasi wala e, talagang may height ka, fit ka, fighter ka pa, tapos celebrity ka,” nakangiting sagot ng batikang aktor.

“Humihindi ka rin noon?” sunod na tanong ng King of Talk.

Tugon ni Monsour, “Oo naman. Siyempre hindi naman lahat ng nakakausap mo e type mo.”

Patuloy na tumutok sa Fast Talk with Boy Abunda, Lunes hanggang Biyernes, 4:00 p.m. sa GMA Afternoon Prime.

RELATED GALLERY: IN PHOTOS: Celebrity athletes and their sports