Around GMA

Article Inside Page

Isang mula sa pusong usapan nina Asia's Multimedia Star Alden Richards at King of Talk Boy Abunda ang mapapanood ngayong Miyerkules sa Fast Talk with Boy Abunda.

Matapos ang kaniyang sold-out concert at successful primetime series na Start-Up Ph kung saan nakatambal niya ang multi-awarded actress na si Bea Alonzo, ano naman kaya ang latest sa Kapuso actor na si Alden?

Matatandaan na kamakailan ay inilunsad din ni Alden ang kanyang sariling esports competition na Myriad Esports Cup. Ang nasabing kompetisyon ay magsisimula na ngayong January 28, na bukas din para sa mga amateur league team.

Sa kanyang pagsalang sa kaabang-abang na “The Talk” interview, kasama ang batikang host na si Boy, ano-ano kaya ang mga rebelasyon na ibabahagi ni Alden? Ito ay kaya ay tungkol sa kanyang mga proyekto sa 2023? Bukas na nga ba siya sa pagpasok sa isang romantic relationship? 'Yan ang dapat abangan mamaya.

Ang Fast Talk with Boy Abunda ay ang pinakabagong multi-platform showbiz news and talk show kung saan isa-isang hihimayin ang mga pinakamaiinit na isyu sa showbiz at bibigyang pagkakataon ang celebrities na sumalang sa kaabang-abang na hot seat interviews.

Dahil sa laganap na ngayon ang fake news at unreliable sources online, layunin din ng programa na maging isang credible go-to source patungkol sa lahat ng mga kaganapan sa showbiz industry.

Mapapanood ang Fast Talk with Boy Abunda, Lunes hanggang Biyernes, 4:05 p.m. sa loob ng 20 minuto sa GMA Afternoon Prime via television broadcast sa GMA at sa iba pang digital platforms.

SAMANTALA, SILIPIN ANG CHARMING SELFIES NI ALDEN RICHARDS SA GALLERY NA ITO: