Around GMA

Article Inside Page

Ibinahagi ng aktres na si Ashley Ortega sa Fast Talk with Boy Abunda ang naging dahilan ng hiwalayan nila ng dating nobyo na si Lucena City Mayor Mark Alcala.

Sa media conference ng kaniyang pinagbibidahang series na Hearts On Ice kamakailan inamin ni Ashley na hiwalay na sila ni Mark at siya ngayon ay happy bilang single pero hindi niya idinetalye kung ano ang dahilan ng nasabing break up.

Sa episode naman ngayong Biyernes ng programa ng King of Talk na si Boy Abunda, naging bukas si Ashley sa naging dahilan ng kanilang paghihiwalay.

Ayon kay Ashley, pareho nilang ginusto ng dating nobyo na maghiwalay na.

Aniya, “Ipinaglaban ko naman until the very end but of course we had a mutual agreement, and I respected his decision, and ayaw din namin ipilit sa isa't isa if we know that it won't work. Kasi if we know na it won't work bakit pa ipaglalaban.

“That's actually one of the lessons I learned, choosing your own battles wisely because not every battle is worth fighting for also it's just a lesson in life.”

Mula sa sinabi ni Ashley, agad naman nagtanong si Boy, “What was not fighting for sa relasyon na 'yun?”

Dito na ibinahagi ni Ashley ang naging ugat ng pagtatapos ng relasyon nila ni Mark.

Kuwento ng aktres, “Siguro Tito Boy, naging busy kami sa work, and siguro isa sa mga naging problem was 'yung distance - he was in the province, he was the newly elected mayor, I was busy with work, kakatapos ko lang ng Widow's Web no'n and then I started training for Hearts On Ice sa skating so medyo nawala siguro 'yung connection and communication.”

Dagdag pa niya, “It was mutual naman po. We decided to better ourselves individually na mag-focus na lang muna sa career and ayoko naman ipilit pa - kung alam naman namin na mas lalo lang magiging toxic.”

Pagbabahagi pa ni Ashley, hindi niya pa muling nakikita at nakakausap si Mark, anim na buwan matapos ang kanilang hiwalayan.

“Actually Tito Boy after we broke up, we never really saw each other again, we never talked again. I don't know if we're friends but I have nothing against him, I'm not mad at him or bitter at him. Siguro now, I don't really feel anything towards him,” ani Ashley.

Samantala, subaybayan si Ashley sa bagong sports-drama series ng GMA na Hearts On Ice, gabi-gabi sa GMA Telebabad.

Para naman sa iba pang maiinit na showbiz balita, tumutok sa Fast Talk with Boy Abunda, Lunes hanggang Biyernes, 4:45 p.m. sa loob ng 20 minuto sa GMA Afternoon Prime via television broadcast sa GMA at sa iba pang digital platforms.