Makikilala na natin ang characters ng Kapuso rom-com series na First Yaya!
Ang First Yaya ang modern-day fairytale na katatampukan ni Sanya Lopez bilang si Yaya Melody at ni Gabby Concepcion bilang si Glenn Acosta na naging pangulo ng bansa. Tatakbo ang kuwento tungkol sa kanilang heartwarming but complicated relationship na nababalot ng mga problema sa pamilya, pulitika at mga sikreto ng nakaraan.
Ang Kapuso rom-com series ay kinabibilangan din ng iba pang beterano at mahuhusay na artista, at mapupuno rin hindi lamang ng kilig at katatawanan ngunit pati na rin ng drama, action at suspense.
Kilalanin ang stellar cast ng 'First Yaya' at ang kanilang characters sa gallery na ito.
Si Sanya Lopez ang gaganap sa title role na 'First Yaya' bilang si Melody. Laki man sa hirap at inuna ang kanyang pamilya, hindi siya takot ipakita ang kanyang tunay na personality.
Bibigyang-buhay ni Gabby Concepcion si Vice President Glenn Acosta na magiging pangulo by accession and election. Siya rin ang tinuturing “most eligible bachelor” matapos mabiyudo ng kanyang asawa.
Gaganap si Pancho Magno bilang si Conrad Enriquez, member ng Presidential Security Group na very loyal kay President Glenn Acosta.
Si Pilar Pilapil si Blesilda Acosta, ang elitista at matapobreng ina ni Glenn. Gagawin niya ang lahat para siguraduhing ang rise to presidency ng kanyang anak.
Gagampanan ni Maxine Medina ang character ni Lorraine Prado, isang socialite family friend ng mga Acosta at nangangarap na maging First Lady ni Glenn.
Si Cassy Legaspi ang gaganap bilang si Nina Acosta, ang may pagkarebeldeng eldest daughter ni Glenn.
Si Clarence Delgado si Nathan Acosta, ang bunsong anak ni Glenn.
Gaganap si Patricia Coma bilang ang ikalawang anak ni Glenn na natitirang malapit sa kanya.
Bibigyang-buhay ni JD Domagoso ang character ni Jonas, isang student activist na tutol sa Acosta family.
Gaganap si Sandy Andolong bilang si Edna Reyes, ang ina ni Melody.
Si Boboy Garovillo si Florencio Reyes, ang ama at iniidolo ni Melody.
Gaganap si Gardo Versoza bilang si Luis Prado, Speaker of the House na may mataas na political ambitions.
Isang boyish military lieutenant ang character ni Thia Thomalla bilang si PSG Val.
Si Analyn Barro si Gem Rose Reyes, nakababatang kapatid ni Melody.
Gaganap si Jerick Dolormente bilang ang bunsong kapatid ni Melody na si Lloyd Reyes.
Si Thou Reyes ang millennial Chief-of-Staff ni Glenn na si Yessey.
Gagampanan ni Kakai Bautista ang role ng insecure dining manager sa Vice Presidential Reception house na si Pepita.
Si Anjo Damiles si Jasper, ang ex-boyfriend ni Melody.
Si Muriel Lomadilla (kaliwa) si Bevs, ang loyal friend ni Melody from work.
Gaganap si Glenda Garcia bilang si Marni Tupaz, isang intrigerang reporter na may secret affair with Luis Prado.
Si Lovely Rivero si Viola, ang trusted assistant na gumagawa ng dirty work para kay Blesilda Acosta.
Makakahanap ng kakampi si Melody kay Norma, character ni Cai Cortez na nagtatrabaho bilang maid para sa mga Acosta.
Isang member din ng Presidential Security Group si Paul na gagampanan ni Kiel Rodriguez.