Talaga namang inabangan ng mga Lagunense ang pagbisita ng cast ng sports drama series na Hearts On Ice sa SM City Santa Rosa, Laguna noong Linggo (May 28).
Sa pangunguna ng lead star ng serye na si Ashley Ortega, nagbigay kasiyahan ang cast sa kanilang fans at ipinamalas ang kanilang husay sa ice rink.
Tingnan ang pagbisita nina Ashley, Roxie Smith, Skye Chua, Dani Ozaraga, at Lei Angela sa Santa Rosa, Laguna sa gallery na ito:
Bumisita ang cast ng 'Hearts On Ice' sa SM City Santa Rosa, Laguna, noong Linggo, May 28, para magbigay kasiyahan sa kanilang mga tagahanga.
Kasama ni Ashley Ortega na nagbigay kasiyahan sa mga Lagunense ang co-stars niyang sina Roxie Smith, Skye Chua, Dani Ozaraga, at Lei Angela.
Hindi pinalagpas ng mga Lagunense ang pagkakataon na makita ang kanilang mga idolo sa figure skating series na 'Hearts On Ice.'
Naka-bonding ng fans ang tatlong mahuhusay na figure skaters ng 'Hearts On Ice' na sina Sonja (Skye Chua), Ponggay (Ashley Ortega), at Monique (Roxie Smith).
Kasama rin ni Ashley Ortega sa mall tour ang close friends sa serye na sina Dani Ozaraga (Jessa) at Lei Angela (Sunshine).
Ipinamalas ng XOXO member na si Dani Ozaraga ang pagiging biritera nang kantahin ang "Let It Go" ni Idina Menzel.
Excited na humarap si Ashley Ortega sa kanyang mga tagahanga. Masaya at nagpapasalamat ang aktres sa naging mainit na pagtanggap sa kanila ng mga Lagunense.
Pagpasok pa lamang ni Ashley Ortega sa ice rink ay maririnig na ang hiyawan ng fans, na tinatawag siyang Ponggay.
Nagbigay ng isang ice performance si Ashley Ortega para sa kanyang mga tagahanga, kung saan sumayaw siya sa kantang "A Thousand Years."
Nag-perform din sa ice rink ang figure skating champion na si Skye Chua, na sumayaw naman sa kantang "Mambo Italiano" ni Bette Midler.
Napapanood si Skye Chua bilang Sonja sa 'Hearts On Ice,' isang figure skater at mahigpit na kalaban ni Ponggay.
Patuloy na subaybayan ang huling tatlong linggo ng 'Hearts On Ice,' Lunes hanggang Biyernes, 8:50 p.m. sa GMA Telebabad.