Ashley Ortega, kinilig nang makita ang 'Hearts On Ice' billboard
Around GMA
Around GMA
12-hour brownout in areas of Iloilo City set on Dec. 7, 2025 How Innovation is Transforming Healthcare Miss Cosmo Philippines Chelsea Fernandez lights up the runway with red swimsuitArticle Inside Page
Showbiz News
Excited na rin ba kayong makilala ang ice princess ng primetime? Abangan si Ashley Ortega bilang Ponggay sa 'Hearts On Ice' ngayong March 13 sa GMA Telebabad.
Umaapaw ang pasasalamat ni Kapuso actress Ashley Ortega para sa lahat ng naniwala sa kanya sa pinakabagong sportserye ng GMA, ang Hearts On Ice.
Simula March 13, mapapanood na ang unang lead role ni Ashley sa Philippines' first-ever figure skating series na Hearts On Ice, kung saan makakatambal niya ang multi-talented actor na si Xian Lim.
Ngayong nabigyang katuparan na ang dream role niya na magkaroon ng isang figure skating show, handa na rin si Ashley na magbigay ng isang ice show na paniguradong tatatak sa mga manonood.
Sa Instagram, ibinahagi ng aktres ang kilig na nararamdaman nang makita na ang billboard ng Hearts On Ice.
"First time seeing our billboard! I'm so kilig. Thank you to everyone who believed me," sulat ni Ashley.
Sa Hearts On Ice, makikilala si Ashley bilang Pauline "Ponggay" Bravo, na kahit na may kapansanan ay susubukin niyang abutin ang naudlot na pangarap ng ina na maging isang matagumpay na figure skater.
Makakasama rin niya sa serye ang beterano at kilalang mga aktor na sina Amy Austria, Tonton Gutierrez, Rita Avila, Lito Pimentel, Ina Feleo, at Cheska Iñigo. Ipinakikilala rin si Roxie Smith kasama sina Kim Perez at Skye Chua.
Abangan ang world premiere ng Hearts On Ice ngayong March 13, 8:50 p.m. sa GMA Telebabad.
Panoorin ang full trailer ng Hearts On Ice dito:
TINGNAN ANG NAGANAP NA MEDIA CONFERENCE NG HEARTS ON ICE SA GALLERY NA ITO:
