'I Can See You,' mapanonood na sa September 28!

Mapanonood na sa Lunes, September 28, ang pinakabagong handog ng GMA Network, ang drama anthology na I Can See You.

Tampok dito ang apat na mini-series na “Love On The Balcony,” “High Rise Lovers,” “The Promise,” at Truly. Madly. Deadly” at pagbibidahan ito ng ilang Kapuso A-listers.

Bibida sa unang installment, ang “Love On The Balcony,” sina Asia's Multimedia Star Alden Richards, Pancho Magno at Jasmine Curtis-Smith.

Makakasama nila rito sina Denise Barbacena at Shyr Valdez sa ilalim ng direksyon ni LA Madridejos.

Samantala, ang “The Promise” naman ay pagbibidahan nina Paolo Contis, Andrea Torres, Benjamin Alves at Yasmien Kurdi. Pasok din sa cast ang actress-comedienne na si Maey Bautista. Ididirihe ito ng award-winning director na si Zig Dulay.

Tampok naman sa ikatlong mini-series na “High Rise Lovers,” sina Tom Rodriguez, Lovi Poe at Winwyn Marquez. Kasama rin sa cast sina Divine Tetay at Teresa Loyzaga sa ilalim ng direksyon ni Monti Parungao.

Bibida sa huling installment, ang “Truly. Madly. Deadly,” sina Dennis Trillo, Rhian Ramos at Jennylyn Mercado. Tampok din sa serye si Ruby Rodriguez. Ito ay sa ilalim naman ng direksyon ni Jorron Lee Monroy.

Huwag palampasin ang pagbabalik ng GMA Telelebad sa telebisyon sa paglulunsad ng I Can See You sa Lunes, September 28.