Around GMA

SEA Games: Joanie Delgaco, Kristine Paraon strike gold in rowing
Chavit Singson to meet Miss Universe next month to negotiate, possibly buy the organization?
APSEMO holds emergency meeting as Mayon shows increased activity

Article Inside Page

Showbiz News

Ang anak ni Bunny Paras na si Moira ay diagnosed ng Friedreich's Ataxia.

Sa pag-guest ng dating aktres na si Bunny Paras sa Just In, ibinahagi niya ang kalagayan ng kanyang panganay na anak na si Moira.

Si Moira na 22 years old na ngayon ay ang anak ni Bunny at ng TV and radio personality na si Mo Twister.

Sa kanyang kuwento sa Just In host na si Vaness del Moral, binalikan ni Bunny ang mga sandali bago nila natuklasan na may Friedreich's Ataxia ang kanyang anak. Ang Friedreich's Ataxia ay isang degenerative neuro-muscular disorder.

Photo source: @moirafrancesca

“So nangyari is 'yung biological dad niya tapos ako, meron kaming gene, so hindi compatible. Hindi compatible and hindi naman namin alam kasi that time I was young, hindi naman ino-offer ang genetic testing and I wouldn't know kung compatible ba kami. It didn't work out.”

Nang mag-pitong taong gulang ang anak ng dating aktres, nakita niya na ang sintomas ng karamdaman ni Moira.

“Seven years old na-notice namin na medyo hindi siya nakaka-balance nang mabuti.

Ang asawa ni Bunny na si Tom Greenway ang nagsabi umano na isailalim si Moira sa isang test.

“When I got married, my husband said na ipa-check namin siya for genetic testing. So nalaman namin. Because everything they're saying wasn't right, hindi gumagaling with whatever they were giving sa States.”

Inamin ni Bunny na dahil sa test, nalaman nila na may degenerative neuro-muscular disorder si Moira at nakakuha sila ng tamang pangangalaga sa karamdaman nito.

“Buti na lang pala we got the care here that we needed para malaman kung ano ang nangyayari.

“When she was ten years old, they said your daughter will be in a wheelchair in ten years. Alam mo nangyari talaga.”

Ayon kay Bunny, matatag ang kanyang anak at nakukuha rin ni Moira ang suporta at pagmamahal mula sa kanilang pamilya.

“She's strong, she has a family who loves her, nandito kami. My husband Tom is very very caring and loving to Moira. She has her own handicap room right now and bathroom so she can access her wheelchair in her room.”

Ngayon ay nasa kolehiyo na ang panganay ni Bunny. Kuwento ng aktres, “Dalagang dalaga na talaga. She's in college, masipag mag-aral, mabait na bata.”

Nakapasa umano si Moira sa isang program sa Disney kung saan puwede siyang mag-aral at magtrabaho nang sabay.

“Siya lang din nag-a-apply. She loves Disney so she worked for Disney and learned the experience there kahit naka-wheelchair kasi mabait naman talaga sila sa mga handicapped or you know, kids with disability.

Dugtong pa ng aktres, “It was like a schooling for her, cause it's like a college program but at the same time they offer them to work so you do both things, you go to school and you work to get the experience. That's a blessing.”

Panoorin ang kabuuang kuwento ni Bunny tungkol kay Moira sa Just In.

IN PHOTOS: Celebrities who left the limelight to live abroad

IN PHOTOS: How Pinoy celebrities abroad deal with COVID-19 crisis