Ang pagtatagpo nina Allan at Geraldine
Sa episode 45 ng Kambal, Karibal, nagkitang muli ang dating magkasintahan na sina Allan (Alfred Vargas) at Geraldine (Carmina Villarroel).
Ito ay matapos i-refer ni Crisan (Crisan) ang ice plant na pagmamay-ari ni Allan na mag-supply ng yelo sa pinagtatrabuhang juice bar, na pagmamay-ari naman ni Geraldine.
Parang nakakita ng multo si Geraldine matapos silang magtagpo ng kanyang dating asawa para pumirma ng kontrata.
Manumbalik kaya ang kanilang pagmamahalan o iiral lang ang hinanakit ni Geraldine kay Allan?
Balikan ang mga eksenang 'yan dito:
Muling ipinapalabas ang Kambal, Karibal bilang pansamantalang kapalit ng Anak ni Waray vs. Anak ni Biday. Ito ay alinsunod sa special programming ng GMA ngayong COVID-19 quarantine period.
Patuloy na subaybayan ang hit 2017 series Lunes hanggang Biyernes, 8:35 p.m., sa GMA Telebabad.
Samantala, maaaring mapanood ang full episodes ng Anak ni Waray vs. Anak ni Biday at iba pang Kapuso shows sa GMANetwork.com at GMA Network app.