Habulan nina Raymond at Allan sa 'Kambal, Karibal'

Sa episode 90 ng Kambal, Karibal, isinuplong ni Vincent (Rafael Siguion-Reyna) si Raymond (Marvin Agustin) sa mga pulis dahil sa pangho-hostage nito kina Crisan (Bianca Umali) at Crisel (Pauline Mendoza).

Akala ni Raymond ay pagtatakpan siya ng kanyang kaibigan dahil malaki ang utang na loob nito sa kanya, ngunit pinili nitong gawin kung ano ang tama.

Nakipagtulungan si Vincent kina Geraldine (Carmina Villarroel) at Allan (Alfred Vargas) para mahuli ang gahamang kriminal.

Sinubukan pang tumakas ni Raymond pero nakorner din siya ni Allan habang nasa fire exit ng building.

Muling ipinapalabas ang Kambal, Karibal bilang pansamantalang kapalit ng Anak ni Waray vs. Anak ni Biday.

Ito ay alinsunod sa special programming ng GMA habang naka-community quarantine dahil sa COVID-19.

Patuloy na subaybayan ang hit 2017 series Lunes hanggang Biyernes, 8:35 p.m., sa GMA Telebabad.

Samantala, maaaring mapanood ang full episodes ng Anak ni Waray vs. Anak ni Biday at ng iba pang Kapuso shows sa GMANetwork.com at GMA Network app.