Masalimuot na nakaraan ni Darren sa 'Kambal, Karibal'

Sa Episode 98 ng Kambal, Karibal, ibinunyag ni Valerie (Maricar De Mesa) kay Crisan (Bianca Umali/Kyline Alcantara) ang masalimuot na nakaraan ng kanyang anak na si Darren (Jake Vargas).

Ikinuwento niya na halos malagay sa bingit ng kamatayan si Darren dahil sa isang malagim na aksidente na ikinamatay ng kasintahan nitong si Phoebe (Inah de Belen).

Dahil dito, nakuhang intindihin ni Crisan si Darren at hinanap ang natapong beads ng bracelet na lucky charm pala na bigay ng yumaong nobya ng binata.

Muling ipinapalabas ang Kambal, Karibal bilang pansamantalang kapalit ng Anak ni Waray vs. Anak ni Biday. Ito ay alinsunod sa special programming ng GMA ngayong panahon ng COVID-19 quarantine.

Patuloy na subaybayan ang hit 2017 series Lunes hanggang Biyernes, 8:35 p.m., sa GMA Telebabad.

Samantala, maaaring mapanood ang full episodes ng Anak ni Waray vs. Anak ni Biday at ng iba pang Kapuso shows sa GMANetwork.com at GMA Network app.