Sukdulang galit ni Crisan kay Diego sa 'Kambal, Karibal'

Sa Episode 129 ng Kambal, Karibal, labis ang galit ni Crisan (Bianca Umali) nang makita niyang pumunta sa burol ni Makoy (Jeric Gonzales) si Diego (Miguel Tanfelix).

Si Diego kasi ang tinuturong dahilan ni Crisan kung bakit namatay ang kanyang 'Parekoy,' matapos pagtakpan ng una ang kasalanan ng kanyang amang si Raymond.

Nang makatakas ang huli, pinagtangkaan nito ang buhay ni Crisan ngunit sinagip siya ng kanyang kaibigang si Makoy at ito ang namatay.

Muling ipinapalabas ang Kambal, Karibal bilang pansamantalang kapalit ng Anak ni Waray vs. Anak ni Biday. Ito ay alinsunod sa special programming ng GMA ngayong panahon ng COVID-19 quarantine.

Patuloy na subaybayan ang hit 2017 series Lunes hanggang Biyernes, 8:35 p.m., sa GMA Telebabad.

Samantala, maaaring mapanood ang aired full episodes ng Anak ni Waray vs. Anak ni Biday at ng iba pang Kapuso shows sa GMANetwork.com at GMA Network app.