Albert Martinez, sinabing may chemistry sila ni Faith Da Silva

Sinagot na ng batikang aktor na si Albert Martinez ang napapabalitang relasyon umano nila ni Faith Da Silva dahil sa chemistry na nakikita sa kanilang dalawa.

Sa press interview para sa GMA series na Las Hermanas, nagpaliwanag si Albert tungkol sa usaping nagkakamabutihan umano sila ni Faith, na co-star niya sa serye.

"I believe it worked for both of us because the chemistry was there. Siguro I will feel bad kung hindi nag-work ang chemistry. May intention is maging believable s'ya sa eyes ng public. Maging believable s'ya doon sa narrative.

"Because there's a certain technique wherein you immerse yourself to the character. Inside you, you have to make yourself believe that you're in love with that person... very important na mag-register sa mata mo na you're really in love with this person," pagbabahagi ni Albert.

Sa Las Hermanas, gagampanan ni Albert ang karakter ni Lorenzo, ang guwapo, mayaman, at misteryosong businessman na magugustuhan ni Scarlet, na ginagampanan naman ni Faith.

Ilan pa sa makakasama nila sa serye ay sina Yasmien Kurdi, Thea Tolentino, Jason Abalos, Rita Avila, Leandro Baldemor, Jennica Garcia, Lucho Ayala, Madeline Nicolas, Rubi Rubi, at Melissa Mendez.

Abangan ang world premiere ng Las Hermanas sa October 25 sa GMA Afternoon Prime.

Panoorin ang buong report sa 24 Oras:

Samantala, kilalanin ang Las Hermanas cast sa gallery na ito: