Allen Ansay and Sofia Pablo meet GMA execs for 'Luv Is: Caught In His Arms'

Puno ng pasasalamat ang Kapuso young heartthrob na si Allen Ansay sa GMA executives sa kanilang pagkikita kamakailan kasama ang kanyang onscreen partner na si Sofia Pablo para sa kanilang pagbibidahang serye na Luv Is: Caught In His Arms na first collaboration ng GMA at ng Wattpad Webtoon Studios.

Sa Instagram, ibinahagi ni Allen ang larawan ng kanilang naging close meeting kasama sina GMA Senior Vice President Atty. Annette Gozon-Valdes, Senior Vice President for Entertainment Group Lilibeth Gomez-Rasonable, Senior Assistant Vice President for GMA Drama Cheryl Ching-Sy, Sparkle heads na sina Senior Assistant Vice President for Alternative Productions Gigi Santiago-Lara, Senior Talent Manager Joy Marcelo, at Consulting Head for Talent Imaging and Marketing Lawrence Tan, at ilan pang opisyal ng GMA.

"Isang masayang araw! Maraming salamat po sa inyong lahat. Salamat po sa tiwala sa Team Jolly! #LuvIsCaughtInHisArms," caption ni Allen sa kanyang post.

Makikita rin sa larawan ang customized bags na kanilang hawak-hawak na ipinagawa mismo ni Sofia kung saan ang print design nito ay ang cover mismo ng Wattpad novel na Caught In His Arms.

Makakasama naman nina Allen at Sofia sa nasabing kilig series ay ang ilang Sparkada members na sina Vince Maristela, Raheel Bhyria, Michael Sager, Sean Lucas, Caitlyn Stave, Cheska Fausto, Kirsten Gonzales, at Tanya Ramos.

Para sa updates tungkol sa Luv Is: Caught In His Arms, bisitahin ang GMANetwork.com.

SAMANTALA, SILIPIN ANG KILIG PHOTOS NG LUV IS: CAUGHT IN HIS ARMS LEAD STARS NA SINA SOFIA PABLO AT ALLEN ANSAY SA GALLERY NA ITO: