Sheryl Cruz on 'Magkaagaw': 'It's a product of all our efforts, luha, at pawis' 

Limang araw na lamang at mapapanood na ang nakakaintrigang soap na Magkaagaw sa GMA Afternoon Prime.

Kaya naman ang isa sa bida nito na si Sheryl Cruz, hindi na makapaghintay sa pilot week ng serye.

Aniya sa GMANetwork.com, “It's a revelation for me na at this point in my career, there are still a lot of things I can do like working hand-in-hand with the creative writers, staff, and of course with the support of the network and our cast mates.

“So itong darating na drama na ibibigay namin sa GMA Afternoon Prime, it was tailor-made for all the actors in the serye. So, you better watch out for it kasi anim na araw rin ito sa isang linggo.”

Dagdag pa ng batikang aktres, maglalaan raw siya ng oras para mapanood ang pilot episode nito sa gitna ng kanilang taping days.

Sambit nito, “Dahil demanding itong pilot week namin, mayroong extra dates silang itinabi for us to tape Magkaagaw.

“But of course like the masses na naghihintay sa serye, gusto rin naman namin makapanood kasabay nila. Pero, siguro ang gagawin namin sa phones namin or habang nasa location.

“Hopefully pwede kaming payagan mapanood sa monitor doon para makapag-break naman kami at mapanood 'yung show for that one hour because it's a product of all our efforts, luha, galit, at pawis!”

Subaybayan si Sheryl bilang ang career-driven woman na si Veron sa Magkaagaw simula October 21 sa GMA Afternoon Prime.

EXCLUSIVE: Sheryl Cruz on playing cougar role in 'Magkaagaw': “It's something different”

WATCH: Sheryl Cruz shows off her incredible body for an online magazine