Magpakailanman presents 'Viral Macho Dancer (The Dante Gulapa Story)'

Nagkaroon nang maraming fans si Dante Gulapa sa buong mundo mula nang maging viral ang nakakatuwang macho dancing videos niya. Tinawag na Gulapanatics ang mga taong sumusuporta sa kanya. Isa siyang certified online sensation na nagbibigay kasiyahan sa maraming tao.

Pero ano nga ba ang masalimoot na pinagdaanan ni Dante bago makamit ang kasikatan niya? Ngayong Sabado, March 23, inihahandog ng Magpakailanman ang pinaka-a-abangang espesyal na kuwento ni Dante Gulapa na tiyak na kagigiliwan at kapupulutan nang maraming aral na pinamagatang VIRAL MACHO DANCER: THE DANTE GULAPA STORY.

Sa pangunguna ng Kapuso stars na si Jak Roberto bilang binatilyong Dante, John Kenneth Giducos bilang batang Dante, Rich Asuncion at Maureen Larrazabal bilang Emeline, Vangie Labalan bilang Lola Delia, Analyn Barro bilang Edna, Kevin Sagra bilang Michell, Orlando Sol bilang Bong at ipinakikilala si Dante Gulapa sa pagganap ng kanyang sariling buhay.

Sa ilalim ng direksyon ni Conrado Peru, mula sa panulat ni John Roque, at matinding pananaliksik ni Cynthia delos Santos.