Magpakailanman presents 'From Poser To Forever (The Marvin and Jane Bedonia Love Story'

Sa social media sites, parami nang parami ang mga tinatawag na "posers" o mga tao na gumagamit ng fake accounts para magpa-impress at magpa-bida sa iba. May forever kaya na naghihintay para sa dalawang posers na parehong nagpanggap para magkaroon ng love life?

Ngayong Sabado, May 4, tunghayan natin ang isang nakakaaliw at kakaibang romantic comedy na pinamagatang "From Poser to Forever: The Marvin and Jane Bedonia Love Story".

Pinagbibidahan ito ng mga Kapuso stars na sina Kiray Celis bilang Jane at Jerald Napoles bilang Marvin. Kasama rin sina Tanya Gomez bilang Mama Lilia, Elle Ramirez bilang Ate Cel, Kiko Matos bilang Lito, Luri Nalus bilang Cyril at Danielle Ozaraga bilang Norie.

Sa ilalim ng direksyon ni LA Madridejos, mula sa panulat ni John Roque, at matinding pananaliksik ni Cynthia de los Santos.