Boots Anson-Roa, nasa 'familiar territory' sa 'Mano Po Legacy: The Family Fortune'

In familiar territory raw si veteran actress Boots Anson-Roa sa upcoming GMA Telebabad series na Mano Po Legacy: The Family Fortune, ang unang television series na hango sa iconic Mano Po film franchise.

"Noong inimbita ako ng GMA at Regal na maging bahagi nito, ang feeling ko parang fish thrown into water, in familiar territory. Also, para akong nag-alumni homecoming kasi 'yung pitong series ng Mano Po sa big screen, I think I was in five," pahayag niya sa virtual media conference ng serye.

Naging bahagi si Boots ng mga pelikulang Mano Po, Mano Po III: My Love, Mano Po 5: Gua Ai Di, at Mano Po 6: A Mother's Love.

"'Yung feeling, na-imbibe ko na, 'yung ramdam ng Mano Po through the years. It's really a very welcome feeling to be back with Mano Po," aniya.

Sa Mano Po Legacy: The Family Fortune, gaganap siya bilang Consuelo Chan, ang matriarch ng isang marangya at maimpluwensiyang Chinese-Filipino family.

"Consuelo Chan is a fearless woman. She knows when and how to play her cards. She's never soft but she's loving. She never allows her emotions to take over, to control her. She's very loyal to the people who are loyal to her in turn," paglalarawan niya sa kanyang character.

Sa pagdating ng isang malaking pagsubok sa kanilang angkan, sisikapin niyang isaayos ang kalagayan ng lahat ng miyembro ng kanilang pamilya.

Abangan ang bagong kuwento ng pag-ibig, pamilya at tradisyon ng mga Filipino-Chinese sa Mano Po Legacy: The Family Fortune, simula January 3, 2022, 9:35 pm sa GMA Telebabad.