Around GMA

Article Inside Page

Masusing pinagpilian at dumaan sa auditions ang cast ng upcoming series na Mano Po Legacy: The Flower Sisters.

"We already said about the 'bigness,' good looking actors, and, of course, talented actors. Handpicked talaga sila, in-audition and talagang finit siya sa mga roles na 'yan. This is really a bigger 'Mano Po,'" paliwanag ni Regal Entertainment Inc. COO & Vice President Roselle Monteverde.

Maiiba daw ito sa previous Mano Po Legacy installment na "Her Big Boss," pero bahagyang may pagkakatulad sa unang installment na "The Family Fortune."

"Ibabalik natin ang 'Mano Po' to the drama that we did for 'Mano Po 1.' There's more catty lines, because the last 'Mano Po' we did, we just tried to fall in love," ayon naman kay GMA First Vice President for Program Management Jose Mari "Joey" R. Abacan.

Ang upcoming na pangatlong installment ng Mano Po Legacy na "The Flower Sisters" ay tungkol sa Chua sisters, apat na magkakapatid na mula sa isang ama pero magkakaibang ina.

Ang mga naggagandahang aktres na Aiko Melendez, Thea Tolentino, Angel Guardian, at Beauty Gonzalez ang magbibigay buhay sa magkakapatid na ito.

"Actually, ang dami nang umaadar sa utak ko ngayon, ang dami nang pumapasok. After ng story conference, parang ipo-process ko muna kung sino doon sa mga characters in my head ang talagang ipo-portray ko 'pag nag-start na 'yung taping," pahayag ni Aiko na gaganap bilang panganay na si Lily.

"I'm excited to read the script more. Ang dami ko nang nababasa. To create a character is exciting, and to work with new people also," bahagi naman ni Beauty na gaganap bilang Violet.

Pressured at excited naman daw sina Thea and Angel dahil ang gagaling ng kanilang co-stars. Bukod dito, labas din daw sa kanilang comfort zone ang kanilang mga karakter.

"Siyempre po may pressure. Alam niyo naman po na madalas, kontrabida ako. Nitong pandemic, madalas ang nagiging roles ko is mabait. I think naging gradual na transition from kontrabida to having mabait na characters," lahad ni Thea.

"Sobrang grateful ko po and excited akong makatrabaho lahat. Ida-digest ko muna for now lahat ng sinabi ni direk Joey (Reyes) about my character. I'm gonna read all the scripts," sabi ni Angel.

Bukod kina Aiko, Thea, Angel at Beauty, bahagi din ng serye sina Rafael Rosell, Will Ashley, Carlo San Juan, Paul Salas, Mikee Quintos, Sophia Senoron, Johnny Revilla, Isabel Rivas, at marami pang iba.

Abangan ang pamumulaklak ng kuwento ng Chua sisters sa Mano Po Legacy: The Flower Sisters, soon on GMA Telebabad.

Samantala, panoorin ang buong ulat ni Nelson Canlas para sa 24 Oras sa video sa itaas.