Unang pasilip sa historical fantasy series na 'Maria Clara at Ibarra,' approve sa netizens

Inilabas na nitong Martes, September 13, ang unang pasilip sa historical fantasy series ng GMA na Maria Clara at Ibarra na pagbibidahan nina Kapuso Drama King Dennis Trillo, Asia's Limitless Star Julie Anne San Jose, at 2016 Fantasporto International Best Actress Barbie Forteza.

Sa teaser, ipinakita na ang karakter ni Julie Ann bilang isang dalagang Filipina na si Maria Clara na nabubuhay noong taong 1887 suot ang magarang Filipiniana. Ipinakita rin ang karakter ni Barbie bilang si Klay na isang Gen Z na mapapadpad sa lumang panahon o sa mundo ng mga nobela ni Jose Rizal.

Dahil sa bagong atake ng nasabing series, marami sa mga netizen ang na-excite nang mapanood ang trailer.

"Excited much!!" komento ng isang netizen.

Dagdag naman ng isang fan, "Ang Ganda ng teaser."

Ang nasabing historical portal fantasy series ay binuo ng malikhaing produksyon naghatid sa telebisyon noon ng mga hindi malilimutang Kapuso series na Encantadia, My Husband's Lover, Sahaya, at Legal Wives.

Panoorin ang first teaser ng Maria Clara at Ibarra RITO:

SILIPIN NAMAN ANG ICONIC TELESERYE CHARACTERS NI BARBIE FORTEZA SA GALLERY NA ITO: