Role na Sandawa sa 'Mulawin VS Ravena,' ginawa para kay Ms. Regine Velasquez-Alcasid

Photo by: Mike Paunlagui, GMA Network Inc.

Isa sa mga bagong character sa Mulawin VS Ravena si Sandawa, ang Inang Kalikasan na gagampanan ni Ms. Regine Velasquez-Alcasid.

LOOK: Tom Rodriguez, Ariel Rivera, and Ms. Regine Velasquez-Alcasid complete the cast of 'Mulawin VS Ravena'

Ayon sa Asia's Songbird, sinabi raw sa kanya na ang role na ito sa sequel ng higanteng telefantasya ay isinulat talaga para sa kanya.

"The character was really written having me in mind, so medyo na-touch naman ako. It was tailor-made for me. Sabi ni Ma'am Redg (Redgie Magno, VP for Drama), if I wasn't going to do it, if I didn't say yes, tatanggalin nila altogether 'yung character," kuwento niya sa ilang miyembro ng entertainment press sa ginanap na press conference ng Mulawin VS Ravena.

Hindi naman nagdalawang-isip ang aktres dahil sinubaybayan din naman niya ang 2004 series.

"When it was explained to me, maganda 'yung role. Malaki siya, important 'yung role, pero the character doesn't always have to be there. So parang, okay rin na ma-experience ko 'yun. Plus, it's an exciting project for me because it's a well loved series 13 years ago. It's nice to be part of it."

Abangan ang muling paghahari sa himpapawid ng Mulawin VS Ravena, simula May 22 pagkatapos ng 24 Oras sa GMA Telebabad.