'One True Love,' mapapanood na ngayong hapon!
Published On: August 10, 2020, 01:13 PM
Narito na ang pinakahihintay na re-airing ng 2012 hit drama series na One True Love.
Mapapanood dito si Asia's Multimedia Star Alden Richards sa unang beses niyang pagganap bilang bida ng isang primetime serye.
Gaganap siya dito bilang si Tisoy, isang binatang laki sa hirap at nagtatrabaho sa pier.
Iibig siya kay Elize, na gagampanan ni Louise delos Reyes, na anak naman ng prominenteng negosyante sa kanilang lugar.
Ipaglalaban nila ang kanilang pagmamahalan mula sa mga magulang na pilit silang paghihiwalayin dahil sa magkaibang estado ng kanilang mga buhay.
Muling balikan ang tunay na pag-ibig nina Tisoy at Elize sa One True Love Lunes hanggang Biyernes simula August 10, 4:15 pm sa GMA Afternoon Prime.