Patuloy ang saya sa bagong kwento ng award-winning sitcom na Pepito Manaloto.
Sa ngayon ay naka-season break ang long-running comedy program na pinagbibidahan nina Michael V. at Manilyn Reynes.
Matatandaan na noong March 2012, ginanap ang first season break ng flagship comedy program.
Pero kaagad ding bumalik sa ere ang show at ipinalabas ang Pepito Manaloto: Ang Tunay na Kuwento noong September 16, 2012.
Ngayon, busy na sa paghahanda ang GMA Network para sa prequel na tatawaging Pepito Manaloto: Ang Unang Kuwento, kung saan tatalakayin ang buhay nina Pepito at Elsa noong '80s.
Kilalanin ang official cast members ng highly-anticipated prequel ng award-winning sitcom sa gallery na ito.
Huwag nang malungkot dahil ang paborito ninyong tandem na sina Michael V. at Manilyn Reynes ay mapanonood n'yo pa rin sa 'Pepito Manaloto: Ang Unang Kuwento.' Bukod sa pagiging lead star ng show, creative director din ng 'Pepito Manaloto' si Direk Bitoy.
Excited na ba kayong malaman ang simula ng love story nina Pepito at Elsa?
Pinili ng GMA Network na gumanap na young Pepito ang young comedian na si Sef Cadayona.
Paano kaya bibigyang-buhay ni Sef ang young version ni Pitoy? Source: sefcadayona (IG) and Pepito
Perfect choice na gumanap na young Elsa ang Kapuso actress-singer na si Mikee Quintos.
Mabusisi ang ginawang pag-aaral ni Mikee sa role, na matagal na ginagampanan ni Manilyn. Nagkasama sina Mikee at Manilyn sa fantasy series na 'Lost Recipe' sa GTV.
Pasok din sa star-studded cast ng 'Pepito Manaloto' prequel ang bagong Kapuso na si Pokwang.
Makakatrabaho ng multi-awarded comedienne ang mga kapwa niya bihasa sa comedy na sina Michael V. at Direk Bert de Leon
Ang Boys' Love (BL) series actor na si Kokoy de Santos ang magiging sidekick ni Sef na si Patrick.
Sa 'Pepito Manaloto: Ang Unang Kwento' malalaman na sa wakas kung bakit nahilig sa hotdog si Patrick.
Pasok din sa cast ng 'Pepito Manaloto' prequel ang versatile actress na si Gladys Reyes. Matatandaang bumida siya noon sa comedy show na 'Bahay Mo Ba 'To' bilang si Kelly Mulingtapang noong 2004.
May pasilip na ang magaling na aktres sa naging lock-in taping nila kung saan ka-eksena niya sina Pokwang at Kokoy de Santos. Source: iamgladysreyes (IG)
Magpapabilib din si Archie Alemania ng husay niya sa pagpapatawa sa 'Pepito Manaloto: Ang Unang Kuwento.'
Swak na swak ang style ng comedy ni Archie sa 'Pepito Manaloto,' lalo na at nakakasama na niya sina Direk Bitoy at Sef Cadayona sa longest-running gag show na 'Bubble Gang.'
Ano kaya ang magiging role ng singer-comedienne na si Denise Barbacena sa prequel ng 'Pepito Manaloto'?
Mukhang kikay ang magiging role ni Denise at tila close sa kina Pitoy at Patrick.
Matapos ang heavy role niya sa 'Babawiin Ko Ang Lahat,' magpapasiklab naman sa comedy si Kristoffer Martin sa 'Pepito Manaloto: Ang Unang Kuwento.'
Bully o barkada ba ni Pepito ang karakter ni Kristoffer sa Kapuso sitcom?
Kabilang din sa cast ng prequel ng sitcom ang 'StarStruck' cutie na si Jay Arcilla.
More kilig vibes with Jay Arcilla sa 'Pepito Manaloto: Ang Unang Kuwento.'
Lalabas ang angking kakulitan ng Kapuso heartthrob na si Edgar Allan Guzman sa 'Pepito Manaloto: Ang Unang Kuwento.'
Abangan ang pagganap niya at magiging papel niya sa buhay nina Pepito, Elsa, at Patrick soon sa prequel ng award-winning sitcom.