LOOK: Manilyn Reynes, proud sa mga anak niya sa 'Pepito Manaloto' 

Sa tagal na ng kanilang pagsasama itinuturing na ng actress-singer na si Manliyn Reynes na parang tunay na niyang anak ang mga co-stars niya sa Pepito Manaloto na sina Jake Vargas at Angel Satsumi.

#FlashbackFriday: Naalala n'yo pa ba ang 'poorita' days nina Pepito at Elsa?

Gumaganap na Elsa si Manilyn sa multi-awarded Kapuso sitcom, samantalang binibigyan buhay naman nila Jake at Angel ang karakter na sina Chito at Clarissa na mga anak naman ng mag-asawang Manaloto.

Sa Instagram post ng magaling na aktres, sinabi nito na proud siya kina Jake at Angel at nakakataba ng puso na makita na lumaki na mabait at maayos ang dalawa.

Ani Manilyn, “Bihira lang kaming magpa-picture. Para ko na talagang silang mga anak. At ang magulang, 'pag nakikitang lumalaking mababait at maaayos ang mga anak ( on & off-screen ), ang saya ng puso️. Proud ako sa inyo, @jhake at @sayakasatsumi10 ! @gmanetwork @PepitoManaloto7”

Nagpaabot din ng pasasalamat si Manilyn Reynes sa Kapuso viewers na walang sawa na tumututok sa Pepito Manaloto: Ang Tunay na Kuwento, matapos mamayagpag sa ratings ang kanilang show sa buwan ng Enero.

“And, YES! Thank you rin po sa suporta at pagmamahal ninyo sa buong buwan ng Enero! Love po namin kayo! Tuloy-tuloy po ang saya at aral”