Around GMA

Article Inside Page

Nagpaalam na ang karakter ng Japanese star na si Maria Ozawa sa hit GMA series na Pulang Araw, bilang si Haruka Tanaka.

Sa episode 26 ng Pulang Araw, napanood ang pagpatay kay Haruka ng tiyuhin ni Eduardo (Alden Richards) na si Lauro (Neil Ryan Sese).

Dahil sa matinding krisis na nararanasan sa Maynila dulot ng giyera nilooban ni Lauro at ng kaniyang mga kasama ang bahay ng mga Tanaka upang magnakaw ng mga salapi at kagamitan.

Nanlaban at tatakas sana si Haruka pero binaril siya ni Lauro na tuluyan niyang ikinasawi.

Dahil dito, matinding galit ang naramdaman ng anak ni Haruka na si Hiroshi (David Licauco) kay Lauro, at kay Eduardo dahil dito niya ipinagkitawala ang kaniyang pamilya habang siya ay nasa kulungan.

Sa nakalipas na mga linggo sa Pulang Araw, napanood ang karakter ni Maria Ozawa bilang mabuting ina at asawa ng mga Tanaka - ang isa sa mayayamang pamilya na Japanese immigrants sa Pilipinas.

Matatandaan na sinabi noon ni Maria sa panayam sa kaniya ng GMANetwork.com na masaya siya na mapabilang sa cast ng Pulang Araw.

Aniya, “I am very grateful, and I haven't been acting for a long time, so I was a bit worried at first, but I'm very happy for this opportunity that GMA gave me, and I hope it will be a great success.”

Mensahe pa niya, “I hope that they will understand more about how Japanese people, how Japanese families react to wars, and how their parents are the cultural difference that I said before it's really different.

“I am one hundred percent sure that by watching the series you can see and tell how differently we communicate with the family members and how the husband holds the house and the kids and everything. It's very different so I hope they can learn a bit of it and learn a little bit of Japanese culture.”

Subaybayan sa free TV ang Pulang Araw, Lunes hanggang Biyernes, 8:00 p.m. pagkatapos ng 24 Oras sa GMA Prime.

RELATED GALLERY: Pulang Araw: Ang mga unang larawan