Patuloy na umaani ng papuri mula sa manonood ang cast na bumubuo sa murder mystery drama na Royal Blood dahil sa mahusay nilang pagganap.
Ang Royal Blood ay pinagbibidahan ni Kapuso Primetime King Dingdong Dantes kasama sina Megan Young, Mikael Daez, Dion Ignacio, Lianne Valentin, Rabiya Mateo, at Rhian Ramos. Matutunghayan din dito ang natatanging pagganap ni Tirso Cruz III, pati na sina Ces Quesada, Benjie Paras, Carmen Soriano, Arthur Solinap, James Graham, Aidan Veneracion, Princess Aliyah, at Sienna Stevens.
Pero gaano man kainit ang mga eksena nila on cam, kitang-kita naman ang closeness off-cam ng cast ng Royal Blood.
Madalas mang intense ang kanilang mga eksena on-cam, hindi pa rin mawawala ang kulitan at masayang bonding ng cast off cam sa set ng Royal Blood.
Ang pamilyang gabi-gabing nagpapakaba sa GMA Telebabad.
Karamihan sa cast ng Royal Blood ay nakatrabaho na ni Kapuso Primetime King Dingdong Dantes. Kuwento ng aktor, "'Yung cast karamihan sa kanila nakasama ko na in other projects, so I consider this a reunion. I'm happy to be working with them again."
Kuha ang larawan na ito nang balikan ni Diana (Megan Young) ang naiwan na laruan ni Archie (Aidan Veneracion) sa playhouse, kung saan naghihintay si Gustavo (Tirso Cruz III) sa pagdating ng taong sumaksak sa kanya.
Tila na-enjoy ni Otep (Benjie Paras) ang pa-merienda sa mansyon.
Ito ang pangalawang pagkakataon na nagkasama sa iisang serye ang celebrity couple na sina Mikael Daez at Megan Young. Una silang nagkasama sa GMA Afternoon Prime series na 'The Stepdaughters' noong 2018.
Ayon kay Rabiya Mateo, masaya at excited siya sa pagkakataon na makatrabaho si Megan Young sa iisang serye, ang kanyang "queen inspiration" mula pa noong highschool.
Gumaganap si James Graham bilang Louie, anak ni Andrew (Dion Ignacio) na tinanggap ni Margaret (Rhian Ramos) na parang tunay niya na ring anak.
Close na close din ang Sparkle Teens na sina (mula kaliwa) Lee Victor, James Graham, Princess Aliyah, at Aidan Veneracion.
Kapwa masaya sina Tirso Cruz III at Dingdong Dantes na muling makatrabaho ang isa't isa. Una nang nagkasama ang dalawang aktor sa GMA series na Sana Ay Ikaw Na Nga noong 2022 at Endless Love noong 2010.
Kabilang din ba kayo sa mga naghihinala na maaaring na kina Kristoff (Mikael Daez) at Diana (Megan Young) ang pumatay kay Gustavo Royales (Tirso Cruz III)?
Ito ang kauna-unahang pagkakataon na nakapareha ni Dion Ignacio sa iisang serye si Rhian Ramos. Dahil dito, hindi naiwasan ng aktor na "ma-intimidate at kabahan" sa unang mga eksena nila ng aktres.
Umaani ngayon si Rhian Ramos ng papuri mula sa Royal Blood viewers dahil sa "intense," "magaling," at "halimaw" nitong pagganap bilang Margaret.
Kapansin-pansin din ang closeness ni Sienna Stevens sa kanyang Tatay Napoy, na ginagampanan ni Dingdong Dantes, at Ninang Tasha, na binibigyang buhay naman ni Rabiya Mateo.
Maging ang mga katiwala ay hindi nagpapahuli sa kulitan.