Mula Widows' Web, magbabalik si Ashley Ortega bilang Jackie Sagrado sa Royal Blood ngayong Martes (July 18).
Matapos ang pagbisita ng Widows' Web co-star niyang si Vaness del Moral bilang Hillary Suarez sa Royal Blood noong July 3, mapapanood naman ngayon sa murder mystery series si Ashley bilang espesyal na kaibigan ng Famila Royales.
Silipin ang ilang behind-the-scenes photos ni Ashley mula sa set ng Royal Blood sa gallery na ito:
Isang espesyal na kaibigan ng Familia Royales ang bibisita ngayong linggo sa Royal Blood.
Magbabalik si Ashley Ortega bilang Jackie Sagrado, ang pinagbidahan niyang karakter sa hit suspenserye na Widows' Web.
Pabiro lamang noon na humirit si Ashley Ortega ng sa pagbisita sa Royal Blood, na ngayon ay nagkatotoo na. "I'm really happy na 'yung 'Royal Blood' is doing so well 'yung ratings and 'yung director ko sa 'Hearts On Ice' same director with 'Royal Blood. I messaged him... sabi ko, 'Direk [Dominic Zapata] ang ganda ng show mo, ang gagaling ng mga actors. Naghirit nga ako kay Direk Dom baka pwedeng bumalik si Jackie Sagrado."
Una nang ibinahagi ni Ashley Ortega ang ilang kuha mula sa set ng Royal Blood noong July 10, kung saan makikitang nagdadalang tao na ang karakter nito.
Ano kaya ang malaking balitang dala ni Jackie Sagrado sa pakikiramay sa Familia Royales?
Abangan ang pagbabalik ni Ashley Ortega bilang Jackie Sagrado sa Royal Blood ngayong Martes, 8:50 p.m. sa GMA Telebabad.