EXCLUSIVE: Bianca Umali at Miguel Tanfelix, taos-puso ang pasasalamat sa mga tumututok sa 'Sahaya'

Ramdam nina Bianca Umali at Miguel Tanfelix ang mainit na pagmamahal ng mga manonood sa hit primetime soap na Sahaya.

Inaabangan na rin ng fans ng BiGuel ang muling pagkikita ng karakter nila na sina Sahaya (Bianca) at Ahmad (Miguel) sa groundbreaking TV show.

Sa one-on-one interview ng GMANetwork.com sa dalawa sa taping ng movie na Family History, ipinaabot ng BiGuel ang taos-puso nilang pasasalamat dahil sa mataas na ratings na nakakamit ng kanilang show.

Ani Bianca, “We are very happy from the start naman, of course, one of our goals was to rate high, but it wasn't our main goal.”

“Yung main goal namin is just to send a message to the people and thankfully successful kami doon and we are happy na minamahal kami ng mga tao.”

Para naman kay Miguel, nagsisilbing inspirasyon ang natatanggap nilang TV ratings kaya't mas ganado raw ang buong team na pagandahin pa ang bawat eksena sa Sahaya.

“Lalo kaming ginaganahan na magbigay ng kaabang-abang na story and mga eksena para sa viewers.”

Nangako rin si Bianca na marami pang dapat abangan sa kanilang soap sa mga susunod na episode.

“Sobrang dami pang mangyayari and again, 'yung paghihirap namin, sobrang sarap sa puso na nagpe-pay off lahat.”

Huwag bibitaw sa kuwento ng pagsubok at pag-ibig sa Sahaya gabi-gabi sa GMA Telebabad pagkatapos ng Kara Mia.