Paglayo ni Jodi sa piling ni Cholo sa 'Stairway To Heaven'

Sa episode 59 ng Stairway To Heaven, piniling sumama ni Jodi (Rhian Ramos) kay Tristan (TJ Trinidad) para malayo kay Cholo (Dingdong Dantes).

Walang ideya si Tristan sa ginawang hakbang ni Jodi kaya siya mismo ang umalam sa tunay na kondisyon ng kanyang dating nobya.

Napag-alaman niyang may eye cancer si Jodi at eye operation lamang ang tanging sagot para hindi kumalat ang cancer sa kanyang katawan.

Ibalik kaya ni Tristan si Jodi kay Cholo at sabihin ang totoong kalagayan ng dalaga?

Muling ipinapalabas ang Stairway To Heaven bilang pansamantalang kapalit ng Prima Donnas.

Ito ay alinsunod sa special programming ng GMA ngayong panahon ng COVID-19 quarantine.

Patuloy na subaybayan ang hit 2009 drama series Lunes hanggang Biyernes, 3:25 p.m., sa GMA Afternoon Prime.

Samantala, maaaring mapanood ang full episodes ng Prima Donnas at ng iba pang Kapuso shows sa GMANetwork.com at GMA Network app.