StarStruck Final Judgment, mapapanood na ngayong September 14 at 15
Published On: September 12, 2019, 03:48 PM
Makikilala na natin ang hihiranging Ultimate Male and Female Survivors ng StarStruck Season 7 ngayong weekend.
Ngayong September 14 at 15, mapapanood ang two-part finale special ng original reality-based artista search. Maghaharap sina Shayne Sava, Lexi Gonzales, Allen Ansay, at Kim De Leon para sa kanilang final artista test na isang short film.
Magkakaroon din ng ilang performances mula sa StarStruck graduates at kanilang special guest na si Alden Richards.
Abangan ang lahat ng ito ngayong Sabado pagkatapos ng Daddy's Gurl at Linggo pagkatapos ng Daig Kayo ng Lola Ko.