Around GMA

Article Inside Page

Humanga ang Start-Up executive producer Yu Sang-won sa kinalabasan ng local adaptation ng kanilang hit K-drama, ang Start- Up PH.

Sa segment ng 24 Oras na "Chika Minute," na ipinalabas kagabi, October 18, napanood ang pahayag ng naturang excutive producer tungkol sa Philippine adaptation, na pinagbibidahan ng Kapuso actors na sina Alden Richards at Bea Alonzo kasama sina Yasmien Kurdi at Jeric Gonzales.

Ayon kay Yu Sang-won, “We were pleasantly surprised at how well the Philippine version of Start-Up was produced. It was impressive… How GMA Entertainment Group put in efforts to satisfy both the original fans and the local audience.”

Dagdag pa niya, “This goes the same with the cast… The overall look and feel and the cinematography of the local version were similar to that of the original version so that Filipino fans will feel familiar, yet the local production team creatively devised/adapted the story to meet the expectations of the local audience.”

Bukod sa na-impress siya sa pagkakagawa ng Pinoy version ng Start-Up, pinuri rin niya ang buong cast at pati na rin ang lead stars nito na sina Alden at Bea.

Sabi ni Yu Sang-won, “Alden Richards and Bea Alonzo added their own charm to the characters.”

Kasunod nito, nagpasalamat sina Alden at Bea sa naging pahayag ng executive producer.

Pahayag ng tinaguriang Asia's Multimedia Star, “Our sincerest gratitude to Mr. Yu Sang-won for the nice feedback for our show. It was really an honor for us to do the Filipino adaptation of Start-Up. We hope that we can also inspire a lot of local audiences here in the Philippines as much as the Korean version did all over the world.”

Ayon naman kay Bea, “This is kind of somehow a little validation… for us na kahit papaano they liked our project. We worked hard for this. Masaya rin ako hindi lang sa reaksyon but also sa reaksyon ng mga tao on social media. Especially the fans of Start-Up Korea kasi napapanood nila 'yung Philippine adaptation.”

Panoorin ang kabuuan ng pahayag dito:

Nagsimula sa GMA Telebabad ang Start-Up PH noong September 26. Dito, mapapanood si Alden bilang si Tristan “Good Boy” Hernandez, samantalang si Bea naman ay binibigyang-buhay ang karakter ni Danica “Dani” Sison.

Abangan pa ang mga kapana-panabik, nakakakilig at nakakaaliw na mga eksena sa Philippine adaptation ng 2020 hit Korean series na Start-Up.

Patuloy na subaybayan ang Start-Up PH, mula Lunes hanggang Biyernes 8:50 p.m. sa GMA Telebabad, at sa GTV naman ay mapapanood ito tuwing Lunes hanggang Huwebes 11:30 p.m., at tuwing Biyernes naman ay ipapalabas ito sa oras na 11: 00 p.m.

Samantala, mapapanood din ang bagong programa sa Kapuso Livestream at GMA PinoyTV.

Kung gusto mong balikan ang previous episodes ng serye maaaring bisitahin ang link na ito.

SILIPIN ANG BEHIND THE SCENES NG START-UP PH SA GALLERY SA IBABA: