Alden Richards opens up about working with Gina Alajar in 'Start-Up PH'
Sa isang exclusive interview ng GMANetwork.com kay Alden, ibinahagi niya kung ano ang kanyang nararamdaman tuwing makakatrabaho niya ang veteran actress na si Gina Alajar.
Pahayag ng Start-Up PH lead actor, “I've worked with Direk Gina the first time as director siya doon sa life story ko, 'The Alden Richards Story' ng Magpakailanman. Since then, I've really had this certain connection with her especially now na nagkatrabaho kami ulit pero both actors kami.”
“Iba 'yung feeling being around Direk Gina. Hindi siya madamot, we have a term called 'madamot and giving' sa acting world. Meaning, when you are in a scene with her, hindi ka mahihirapan kasi she's very giving e. 'Yun ang masarap na mga katrabaho na aktor kasi hindi ka nila binibigyan ng feeling of intimidation. So, there's nothing but warmth, love, concern, and happiness kapag kasama ko si Direk Gina especially on set," dagdag pa ng tinaguriang Asia's Multimedia Star.
Sa isa pang interview, unang sinabi ni Alden na may certain comfort daw na naibibigay sa kanya ang aktres tuwing sila ay magkaeksena.
“Feeling ko after nito, bitin ako working with Direk Gina Alajar. Sobrang sarap niya kaeksena. Direk Gina has been in the industry for the longest time and she has this certain comfort na ibinibigay sa akin na hindi niya alam. May naibibigay kasi siyang comfort sa akin in every scene that we do at mas marami akong naibibigay na emotions and bonus reactions because of that.”
Dahil dito, isa sa mga hiling ni Alden bilang isang aktor ay ang makatrabaho muli ang veteran actress at director sa kanyang upcoming shows.
Kasalukuyang napapanood si Alden sa GMA drama series na Start-Up PH bilang si Tristan “Good Boy” Hernandez, ang batang kinupkop noon ni Lola Ligaya “Joy” Sison, ang karakter na ginagampanan ni Gina Alajar sa serye.
Ilang mga eksena nina Tristan at Lola Joy ang kinagigiliwan ngayon ng mga manonood lalo na't kasalukuyan silang gumagawa ng paraan upang hindi mabuko ni Dani (Bea Alonzo) ang pagkukunwari at pagsisinungaling nila tungkol sa childhood crush nitong si Davidson (Jeric Gonzales).
Abangan ang mas kapana-panabik na eksena nina Tristan at Lola Joy sa Start-Up PH.
SAMANTALA, KILALANIN ANG IBA PANG CAST NG START-UP PH SA GALLERY NA ITO: